ഇന്ത്യൻ പ്രീമിയർ ലീഗിൽ തുടർച്ചയായ രണ്ടാം തവണയും ഐപിഎല് കിരീടം സ്വന്തമാക്കി റോയല് ചലഞ്ചേഴ്സ് ബെംഗളൂരു. ഫൈനലില് ഗുജറാത്തിനെ അഞ്ച് വിക്കറ്റിന് തകര്ത്താണ് നേട്ടം സ്വന്തമാക്കിയത്.156 റണ്സ് വിജയലക്ഷ്യം രണ്ട് ഓവര് ബാക്കിനില്ക്കെ മറികടന്നു.
ബെംഗളുരുവിലെ സ്റ്റാർ പ്ലെയർ വിരാട് കോഹ്ലിയുടെ ഒറ്റയാൾ പ്രകടനമാണ് കിരീട നേട്ടത്തിൽ നിർണായകമായത്. 42 പന്തുകളിൽ നിന്ന് പുറത്തകാതെ 75 റൺസാണ് താരം ഇന്ന് അഹ്മദാബാദ് സ്റ്റേഡിയത്തിൽ അടിച്ചുകൂട്ടിയത്. ഒൻപത് ബൗണ്ടറികളും മൂന്ന് സിക്സറുകളും അടങ്ങുന്നതായിരുന്നു കോഹ്ലിയുടെ ഇന്നത്തെ ഇന്നിങ്സ്.
156 റണ്സ് വിജയലക്ഷ്യം പിന്തുടര്ന്നാണ് ബെംഗളൂരു കളിക്കാനിറങ്ങിയത്. എട്ട് വിക്കറ്റ് നഷ്ടത്തിലാണ് ഗുജറാത്ത് 155 റണ്സ് നേടിയത്. ആര്സിബിക്ക് മിന്നും തുടക്കമാണ് വെങ്കിടേഷ് അയ്യരും വിരാട് കോലിയും ചേര്ന്ന് നല്കിയത്. ഒന്നാം വിക്കറ്റില് അവര് 62 റണ്സ് കൂട്ടിച്ചേര്ത്തു. എന്നാല് പിന്നീട് തുടര്ച്ചയായി വിക്കറ്റുകള് വീണു. എങ്കിലും കോലി ഒരു ഭാഗത്ത് ഉറച്ചുനിന്നത് ആര്സിബിയെ വിജയത്തിലേയ്ക്ക് നയിച്ചു.
ബെംഗളൂരു ഓപണർ വെങ്കടേഷ് അയ്യരും മത്സരത്തിൽ മികച്ചുനിന്നു. രണ്ട് സിക്സറുകളും നാല് ബൗണ്ടറികളും അടക്കം പതിനാറ് പന്തിൽ നിന്ന് 32 ബൗളുകളാണ് വെങ്കടേഷ് അയ്യർ ജിടിക്കെതിരെ നേടിയത്. ടിം ഡേവിഡ് (24), നായകൻ രജത് പാട്ടിദാർ (15), ജിതേഷ് ശർമ (11)* എന്നിവരും കളിയിൽ മികച്ചുനിന്നു.
നാല് ഓവറിയിൽ 27 റൺസ് വഴങ്ങി റാസിഖ് സലാം മൂന്ന് വിക്കറ്റുകൾ നേടി. ആ നേട്ടങ്ങൾ ഗുജറാത്തിന്റെ തകർക്കുന്നതിൽ നിർണായകമായിരുന്നു. നാല് ഓവറിൽ 29 റൺസ് വഴങ്ങി ഭുവിയും 37 റൺസ് വഴങ്ങി ഹേസൽവുഡും രണ്ട് വിക്കറ്റുകൾ വീതവും നേടി.
റോയല് ചലഞ്ചേഴ്സ് ബെംഗളൂരുവിനെതിരെ ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഗുജറാത്ത് ടൈറ്റന്സിന്റെ സായ് സുദര്ശനും (12) ശുഭ്മാന് ഗില്ലും (10) അതിവേഗം മടങ്ങിയതോടെ ഗുജറാത്തിന്റെ കാര്യങ്ങള് അവതാളത്തിലായി. വാഷിങ്ടണ് സുന്ദറിന്റെ (37 പന്തില് 50) പ്രകടനമാണ് ടീമിനെ ഭേദപ്പെട്ട നിലയിലെത്തിച്ചത്.
