Tuesday, November 17, 2026
Home » കുൽഗാമിൽ സിആർപിഎഫ് ക്യാമ്പിന് നേരെയുണ്ടായ ഭീകരാക്രമണത്തിൽ പങ്കാളിയായായ ഭീകരനെ ഏറ്റുമുട്ടലിൽ വധിച്ചു.
കുല്‍ഗാമില്‍ സിആര്‍പിഎഫ് ഉദ്യോഗസ്ഥര്‍ക്കുനേരെയുണ്ടായ ആക്രമണം

കുൽഗാമിൽ സിആർപിഎഫ് ക്യാമ്പിന് നേരെയുണ്ടായ ഭീകരാക്രമണത്തിൽ പങ്കാളിയായായ ഭീകരനെ ഏറ്റുമുട്ടലിൽ വധിച്ചു.

by Editor

കുൽഗാം: ജമ്മു കശ്മീരിലെ കുൽഗാം ജില്ലയിൽ സുരക്ഷാസേനയുമായുണ്ടായ ഏറ്റുമുട്ടലിൽ സിആർപിഎഫ് (CRPF) ക്യാമ്പിന് നേരെയുണ്ടായ ആക്രമണത്തിൽ പങ്കാളിയായ ഒരു ഭീകരനെ വധിച്ചു. കൊല്ലപ്പെട്ടത് ലഷ്‌കർ-ഇ-ത്വയ്ബ ഭീകരനായ ഉമർ നാസിർ ആണെന്ന് തിരിച്ചറിഞ്ഞിട്ടുണ്ട്. കൂട്ടാളിയും കൊടുംഭീകരനുമായ മുഹമ്മദ് ലത്തീഫ് ഭട്ട് വെടിയേറ്റ് പരിക്കുകളോടെ സമീപത്തെ വനമേഖലയിലേക്ക് രക്ഷപ്പെട്ടതായാണ് ഏറ്റവും പുതിയ റിപ്പോർട്ടുകൾ.

കുൽഗാം ജില്ലയിലെ ലാർനൂ (Larnoo) മേഖലയിലാണ് നവംബർ 16 തിങ്കളാഴ്ച ഏറ്റുമുട്ടൽ നടന്നത്. ലഷ്‌കർ-ഇ-ത്വയ്ബയുടെ ‘ബി’ കാറ്റഗറി ഭീകരനായ ഉമർ നാസിറാണ് കൊല്ലപ്പെട്ടത്. ഇയാളുടെ മൃതദേഹം സുരക്ഷാസേന കണ്ടെടുത്തു. തലയ്ക്ക് 15 ലക്ഷം രൂപ ഇനാം പ്രഖ്യാപിച്ചിട്ടുള്ള ‘എ’ കാറ്റഗറി ഭീകരൻ മുഹമ്മദ് ലത്തീഫ് ഭട്ട് വെടിയേറ്റ നിലയിൽ രക്ഷപ്പെട്ടതായി ദേശീയ മാധ്യമങ്ങൾ റിപ്പോർട്ട് ചെയ്യുന്നു. ഇയാളെ കണ്ടെത്തുന്നതിനായി പ്രദേശത്തെ ആപ്പിൾ തോട്ടങ്ങളിലും വനമേഖലയിലും ഡ്രോണുകൾ ഉപയോഗിച്ച് തിരച്ചിൽ തുടരുകയാണ്.

നവംബർ 11-ന് കുൽഗാമിലെ മിർ ബസാറിന് സമീപമുള്ള സിആർപിഎഫ് ചെക്ക്‌പോസ്റ്റിന് നേരെ ഭീകരർ വെടിയുതിർത്തിരുന്നു. ഈ ആക്രമണത്തിൽ മൂന്ന് സിആർപിഎഫ് ജവാന്മാർക്ക് പരിക്കേറ്റിരുന്നു. ആക്രമണത്തിന് പിന്നാലെ ഇന്ത്യൻ സൈന്യം, ജമ്മു കശ്മീർ പോലീസിന്റെ പ്രത്യേക ഓപ്പറേഷൻ ഗ്രൂപ്പ് (SOG), സിആർപിഎഫ് എന്നിവർ സംയുക്തമായി കുൽഗാമിൽ വ്യാപകമായ തിരച്ചിൽ നടത്തിവരികയായിരുന്നു. ഭീകരർക്ക് സഹായം നൽകിയ പ്രാദേശിക കൂട്ടാളിയെ പോലീസ് അറസ്റ്റ് ചെയ്തിട്ടുണ്ട്. രക്ഷപ്പെട്ട ലത്തീഫ് ഭട്ടിന് ഈ വർഷം ജൂലൈയിൽ അനന്ത്‌നാഗിൽ പോലീസ് കോൺസ്റ്റബിളിനെ കൊലപ്പെടുത്തിയ കേസിലും കുൽഗാമിൽ ഇതരസംസ്ഥാന തൊഴിലാളികളെ കൊലപ്പെടുത്തിയ കേസിലും പങ്കുണ്ടെന്ന് ദേശീയ മാധ്യമങ്ങൾ റിപ്പോർട്ട് ചെയ്യുന്നു.

കുല്‍ഗാമില്‍ സിആര്‍പിഎഫ് ഉദ്യോഗസ്ഥര്‍ക്കുനേരെയുണ്ടായ ആക്രമണം; ഉത്തരവാദിത്തം ഏറ്റെടുത്ത് ‘പാസ്ദാരന്‍-ഇ-ഹുരിയത്ത് കശ്മീര്‍’ എന്ന സംഘടന.

Send your news and Advertisements

You may also like

error: Content is protected !!