ഉപതിരഞ്ഞെടുപ്പ് ഫലം ഇന്നറിയാം. രാവിലെ എട്ടിനാണു വോട്ടെണ്ണൽ ആരംഭിക്കുക. വീട്ടിലെ വോട്ടും തപാൽ വോട്ടും ഇലക്ട്രോണിക്കലി ട്രാൻസ്മിറ്റഡ് പോസ്റ്റൽ ബാലറ്റുകളുമാണ് ആദ്യം എണ്ണുക. ഇവ അര മണിക്കൂറിനുള്ളിൽ പൂർത്തിയാക്കും. തുടർന്നു യന്ത്രങ്ങളിലെ വോട്ട് എണ്ണിത്തുടങ്ങും. പതിനൊന്നരയോടെ തന്നെ പൂർണഫലം പ്രഖ്യാപിക്കാനാകുമെന്നാണു പ്രതീക്ഷയെന്നു ജില്ലാ വരണാധികാരികൾ അറിയിച്ചു.
ഉപതെരഞ്ഞെടുപ്പിന്റെ വോട്ടെണ്ണല് ആരംഭിക്കുമ്പോള് പൊതുജനങ്ങള്ക്കും മാദ്ധ്യമങ്ങള്ക്കും തത്സമയം ഫലം അറിയാന് ഏകീകൃത സംവിധാനം സജ്ജമാക്കി. തെരഞ്ഞെടുപ്പ് കമ്മീഷന്റെ വെബ്സൈറ്റിലും വോട്ടര്ഹെല്പ് ലൈന്ആപ്പിലും തത്സമയം ഫലം അറിയാനാവും. ഇലക്ഷന്കമ്മീഷന്റെ എന്കോര്സോഫ്റ്റ് വെയറില്നിന്ന് തിരഞ്ഞെടുപ്പ് ഫലം https://results.eci.gov.in എന്ന വെബ്സൈറ്റ് വഴിയാണ് തത്സമയം ലഭ്യമാവുക. ഓരോ റൗണ്ട് വോട്ടെണ്ണല്കഴിയുമ്പോഴും വോട്ടെണ്ണല്കേന്ദ്രങ്ങളില്നിന്ന് നേരിട്ട് അസിസ്റ്റന്റ് റിട്ടേണിങ് ഓഫീസര്മാര് തത്സമയം ലഭ്യമാക്കുന്ന ഫലമാണ് വെബ്സൈറ്റില് അതത് സമയം ലഭിക്കുക.
വയനാട് ലോക്സഭാ മണ്ഡലത്തിലെയും പാലക്കാട്, ചേലക്കര നിയമലഭാ മണ്ഡലങ്ങളിലെയും അവസാനവട്ട കണക്കുകൂട്ടലുകളും പൂർത്തിയാക്കിയ മുന്നണികൾ ഫലത്തിനായുള്ള കാത്തിരിപ്പിലാണ്. രാവിലെ ഏഴ് മണിക്ക് സ്ട്രോങ് റൂമുകൾ തുറന്ന് വോട്ടിങ് മെഷീനുകൾ പുറത്തെടുക്കും. പിന്നീട് കൗണ്ടിങ് ടേബിളുകളിൽ മെഷീനുകൾ ക്രമീകരിക്കും. എട്ട് മണിയോടെ വോട്ടെണ്ണൽ തുടങ്ങും. ഭരണവിരുദ്ധവികാരമുണ്ടെന്ന് വിശ്വസിക്കുന്ന യുഡിഎഫ്, സമകാലിക രാഷ്ട്രീയ വിവാദങ്ങളുടെ പശ്ചാത്തലത്തില് മൂന്ന് മണ്ഡലങ്ങളിലും ജയിക്കാനാകുമെന്ന ആത്മവിശ്വാസത്തിലാണ്. ചേലക്കര നിലനിർത്തുന്നതിനൊപ്പം പാലക്കാട് മുന്നേറ്റമുണ്ടാകുമെന്ന പ്രതീക്ഷയിലാണ് ഇടതുമുന്നണി. ഇടത് കോട്ടയായ ചേലക്കരയിൽ ഇത്തവണ യുഡിഎഫ് ജയിച്ചാല് സര്ക്കാരിന് കനത്ത തിരിച്ചടിയാകും. പാലക്കാട് സി.കൃഷ്ണകുമാറിന്റെ വിജയത്തിനായി കാത്തിരിക്കുകയാണ് ബിജെപി പ്രവർത്തകർ. തങ്ങളുടെ വോട്ടുകളെല്ലാം കൃത്യമായി പെട്ടിയിലാക്കിയിട്ടുണ്ടെന്നാണ് മുന്നണികളുടെ കണക്കുനിരത്തിയുള്ള അവകാശവാദം.