Thursday, November 19, 2026
Home » ധനുഷും മമ്മൂട്ടിയും ഒന്നിക്കുന്ന ‘ഓം – ഓപ്പറേഷൻ മോൾ’ നവംബർ 20-ന്; ട്രെയ്‌ലർ കാണാം
ധനുഷും മമ്മൂട്ടിയും ഒന്നിക്കുന്ന 'ഓം - ഓപ്പറേഷൻ മോൾ' നവംബർ 20-ന്; ട്രെയ്‌ലർ കാണാം

ധനുഷും മമ്മൂട്ടിയും ഒന്നിക്കുന്ന ‘ഓം – ഓപ്പറേഷൻ മോൾ’ നവംബർ 20-ന്; ട്രെയ്‌ലർ കാണാം

by Editor

രാജ്കുമാർ പെരിയസാമി സംവിധാനം ചെയ്ത് ധനുഷും മമ്മൂട്ടിയും ഒന്നിക്കുന്ന ‘ഓം – ഓപ്പറേഷൻ മോൾ’ നവംബർ 20-ന് റിലീസ് ചെയ്യും. കഴിഞ്ഞ ദിവസം വൈകുന്നേരം ഓൺലൈൻ ബുക്കിങ് ആരംഭിച്ച ചിത്രത്തിന്റെ ആദ്യ ഷോ രാവിലെ 6 മണിക്കാണ്. കഴിഞ്ഞ ആഴ്ച പുറത്തിറങ്ങിയ പടത്തിന്റെ ട്രെയിലറിന് ഗംഭീര പ്രതികരണമാണ് ലഭിച്ചു കൊണ്ടിരിക്കുന്നത്. ഇപ്പോഴും ട്രെൻഡിങ്ങിൽ ഒന്നാം സ്ഥാനത്ത് തുടരുന്ന ട്രെയിലറിന് 3 കോടിയ്ക്ക് മേൽ വ്യൂസ് യൂട്യൂബിൽ ലഭിച്ചു. ആക്ഷനും വൈകാരിക മുഹൂർത്തങ്ങളും ചേർന്ന വലിയ ക്യാൻവാസിൽ സാങ്കേതിക മികവ് പുലർത്തുന്ന സിനിമയാണെന്നാണ് ട്രെയിലർ നൽകുന്ന സൂചന. സായി പല്ലവി, ശ്രീലീല എന്നിവരാണ് നായികമാരായി എത്തുന്നത്.

മമ്മൂട്ടിയുടെ സാന്നിധ്യം മലയാളി പ്രേക്ഷകരെ തിയേറ്ററുകളിലേക്ക് ആകർഷിക്കുമെന്നതിനു പുറമെ ധനുഷിനുള്ള വലിയ ആരാധകവൃന്ദവും ചിത്രത്തിന് ഗംഭീര പ്രീ സെയിൽസ് കുറിക്കുമെന്നാണ് അഡ്വാൻസ് ബുക്കിങ് സൂചിപ്പിക്കുന്നത്. ചിത്രത്തിൽ ബർമ കാർത്തിക്കേയൻ എന്ന ശക്തമായ കഥാപാത്രത്തെയാണ് മമ്മൂട്ടി അവതരിപ്പിക്കുന്നത്. ഏകദേശം ഏഴ് വർഷത്തെ ഇടവേളയ്ക്കു ശേഷമാണ് അദ്ദേഹം വീണ്ടും തമിഴ് ചിത്രത്തിൽ പ്രധാന വേഷത്തിലെത്തുന്നത്. ചിത്രത്തിൽ നിത്യ റെഡ്ഡി എന്ന സി.ബി.ഐ ഉദ്യോഗസ്ഥയുടെ വേഷത്തിലാണ് സായ് പല്ലവി എത്തുന്നത്. ശ്രീലീലയും ചിത്രത്തിൽ പ്രധാന കഥാപാത്രത്തെ അവതരിപ്പിക്കുന്നുണ്ട്. നസ്രുദീൻ ഷാ, ഇന്ദ്രൻസ്, രേണു ദേശായി, കലൈറാണി, സഞ്ജയ് സ്വരൂപ് എന്നിവരാണ് ചിത്രത്തിലെ മറ്റ് പ്രമുഖ താരങ്ങൾ.

ധനുഷിന്റെ വണ്ടർബാർ ഫിലിംസും ആർടേക്ക് സ്റ്റുഡിയോസും ചേർന്നാണ് ചിത്രം നിർമിക്കുന്നത്. ധനുഷ്, ശ്രദ്ധ അഗർവാൾ, അസ്മത് ജഗ്മഗ് എന്നിവരാണ് നിർമാതാക്കൾ. സായ് അഭ്യങ്കറാണ് സംഗീത സംവിധാനം. എഴിൽ അരശൻ കെ. ഛായാഗ്രഹണവും ആർ. കലൈവാണൻ എഡിറ്റിങ്ങും നിർവഹിക്കുന്നു. യാനിക് ബെൻ, കെച്ച ഖംഫക്‌ദീ എന്നിവരാണ് ആക്ഷൻ രംഗങ്ങളുടെ കൊറിയോഗ്രഫി കൈകാര്യം ചെയ്യുന്നത്. കേരളത്തിലെ വിതരണാവകാശം നിർമ്മാതാവ് ബിനു ജോർജ് അലക്സാണ്ടർ സ്വന്തമാക്കിയിട്ടുണ്ട്. ഡ്രീം ബിഗ് ഫിലിംസാണ് കേരളത്തിൽ ഒ.എം തിയറ്ററുകളിലെത്തിക്കുന്നത്.

Send your news and Advertisements

You may also like

error: Content is protected !!