303
ടെഹ്റാന്: ഇസ്രയേലുമായുള്ള സംഘര്ഷം തുടരുന്നതിനിടെ ഇറാനില് റിക്ടര് സ്കെയിലില് 5.1 തീവ്രത രേഖപ്പെടുത്തിയ ഭൂകമ്പം. സംനാന് നഗരത്തിന് തെക്കുപടിഞ്ഞാറ് 37 കിലോമീറ്റര് അകലെ പത്തുകിലോമീറ്റര് താഴ്ചയിലാണ് ഭൂചലനം അനുഭവപ്പെട്ടതെന്ന് യുഎസ് ജിയോളജിക്കല് സര്വേ അറിയിച്ചു. സംഭവത്തില് ആളപായമില്ലെന്നും നേരിയ നാശനഷ്ടങ്ങള് മാത്രമാണുള്ളതെന്നും ഇറാന് വാര്ത്താ ഏജന്സിയായ ‘ഇര്ന’ റിപ്പോര്ട്ട് ചെയ്യുന്നു.
സംനാന് മിസൈല് കോംപ്ലക്സും സംനാന് ബഹിരാകാശ കേന്ദ്രവും സ്ഥിതിചെയ്യുന്നത് ഈ പ്രദേശത്താണ്. ഇറാന്റെ ആണവകേന്ദ്രങ്ങള് ലക്ഷ്യമിട്ടാണ് ഇസ്രയേലിന്റെ ആക്രമണമെന്നതിനാല് ആ തരത്തിലുള്ള സാധ്യതയും തള്ളിക്കളയാനാവില്ലെന്ന നിരീക്ഷണമുണ്ട്..
