262
തൊടുപുഴ നഗരസഭയിലെ എൽഡിഎഫ് ചെയര്പേഴ്സണനെതിരെ യുഡിഎഫ് കൊണ്ടുവന്ന അവിശ്വാസ പ്രമേയം പാസായി. 12 -നെതിരെ 18 വോട്ടുകള്ക്കാണ് അവിശ്വാസം പാസായത്. യുഡിഎഫിനൊപ്പം ബിജെപിയിലെ ഒരു വിഭാഗവും അവിശ്വാസത്തെ പിന്തുണച്ചു. ആകെ എട്ട് കൗണ്സിലര്മാരാണ് ബിജെപിയ്ക്കുള്ളത്. ഇവര്ക്കെല്ലാം വിപ്പ് നല്കിയിരുന്നെങ്കിലും ഇത് ലംഘിച്ച് നാല് പേർ യുഡിഎഫിന് അനുകൂലിച്ച് വോട്ട് ചെയ്യുകയായിരുന്നു. മൂന്ന് പേർ വിപ്പ് അനുസരിച്ച് ചര്ച്ചയും വോട്ടെടുപ്പും ബഹിഷ്കരിച്ചു. ഒരാള് ചര്ച്ചയില് പങ്കെടുത്തെങ്കിലും വോട്ട് ചെയ്തില്ല.
നഗരസഭ അധ്യക്ഷക്കെതിരെ 14 അംഗങ്ങള് ഒപ്പിട്ട് നേരത്തെ നോട്ടീസ് നല്കിയിരുന്നു. ആറുമാസം മുമ്പ് യുഡിഎഫ് അംഗങ്ങള് അവിശ്വാസം കൊണ്ടുവന്നെങ്കിലും മുസ്ലിം ലീഗ് എതിര്ത്തതോടെ പ്രമേയം പാസാക്കാനായിരുന്നില്ല.
