ടാറ്റാ സ്റ്റീൽ ചെസ്സിൽ ​ഗുകേഷിനെ വീഴ്‌ത്തി പ്രജ്ഞാനന്ദ കിരീടം നേടി.

87-ാം ടാറ്റാ സ്റ്റീൽ ചെസ് മാസ്റ്റേഴ്സ് 2025 മത്സരത്തിൽ ​ഗുകേഷിനെ വീഴ്‌ത്തി പ്രജ്ഞാനന്ദ കിരീടം നേടി. ഇതാദ്യമായാണ് ടാറ്റാ സ്റ്റീൽ ചെസിൻ പ്രജ്ഞാനന്ദ ചാമ്പ്യനാകുന്നത്. ലോക ചെസ് ചരിത്രത്തിൽ ഭാരതത്തിന്റെ യശസുയർത്തിയ ചെസ് ചാമ്പ്യന്മാർ നേർക്കുനേർ നിന്ന വാശിയേറിയ മത്സരത്തിനാണ് കഴിഞ്ഞ ദിവസം രാജ്യം സാക്ഷിയായത്. അവസാന റൗണ്ടിന് ശേഷം ​​ഗുകേഷും പ്രജ്ഞാനന്ദയും എട്ടര പോയിന്റ് വീതം നേടി സമനിലയിലായി. ഇതോടെ വിജയിയെ കണ്ടെത്താൻ മൂന്ന് ബ്ലിറ്റ്സ് ​ഗെയിം കൂടി കളിച്ചു. ബ്ലിറ്റ്സ് ​ഗെയിംസിന്റെ അവസാനഘട്ടത്തിൽ പ്രജ്ഞാനന്ദ വിജയം നേടുകയായിരുന്നു. സിം​ഗപ്പൂരിൽ നടന്ന ലോകചെസ് മത്സരത്തിൽ ചാമ്പ്യനായതിന് ശേഷമുള്ള ​​ഗുകേഷിന്റെ ആദ്യ ടൂർണമെന്റായിരുന്നു ടാറ്റാ സ്റ്റീൽ ചെസ് മാസ്റ്റേഴ്സ് 2025.