ശ്യാമവർണ്ണൻ

എൻ മനസ്സിൽ തെളിയുന്നൊരത്ഭുത വിളക്കാണ് നീ കണ്ണാ
ഭക്തിമുഖരിതമാകും എൻ ഹൃദയത്തിൽ
പ്രകാശം ചൊരിയും നിത്യപ്രഭാവമാണ് നീ
നിന്നഴകിൽ എൻ മിഴികൾ നിറയുമ്പോൾ
നിൻ ചുണ്ടിലെന്തേ ഒരു തൂമന്ദഹാസം
നിറയുന്ന കണ്ണിലെ നനവാർന്നൊരോർമ്മ
പാലൊളി പോലെന്നിൽ നിറഞ്ഞു നിന്നു.
ശ്യാമവർണ്ണനാം നിൻ കള്ളചിരിയിൽ
എൻ മനം കോൾമയിർ കൊണ്ടു
ഉറയുന്നൊരു കനിവായ് എൻ ചിന്തകളിൽ
മഴവില്ലുപോൽ നീ തെളിഞ്ഞു വരുന്നു.
അനുരാഗവിലോചനായി നീയെന്നിൽ
നിറഞ്ഞാടുമ്പോൾ
മറക്കുവാനാക്കില്ലൊരിക്കലും കണ്ണാ…….
നിന്നെ മറക്കുവാനാകതില്ല ഒരിക്കലും.

ശ്യാമള ഹരിദാസ്