ഓന്ത്

നിറം
മാറി മാറി
ഓന്തിന്
നിറമില്ലാതായി
കെട്ട നിറങ്ങൾ
ചുറ്റിലും
നിറം പൂശി നിന്നതിനാലാവാം
ചായങ്ങളും ചമയങ്ങളുമായി
ഓന്ത് നിമാറുന്നത്

ഉത്സവങ്ങളും
കൊടി തോരണങ്ങളുമായി
നിറം മാറിയവരും
കൊടി മാറിയവരും
നിറമില്ലാതായിട്ടും,
ഓന്ത്
പച്ചിലപ്പടർപ്പുകൾക്കിടയിൽ
പച്ചയായി
കരിയിലകൾക്കിടയിൽ
കരിയായി
നിഴലുകൾക്കിടയിൽ
നിറമില്ലാതായി
ഭൂമിപാതാളങ്ങൾ നിറം മാറുമെന്ന്
സ്വപ്നം കണ്ട്
സ്വർഗ്ഗം കണ്ടു
ജീവിച്ചു കൊണ്ടേയിരുന്നു.

തുടർച്ചകൾ അവസാനിക്കുന്നില്ല
നമ്മൾ ഓന്തുകളായി മരിച്ചുകൊണ്ടിരിക്കുന്നു
ഓന്ത് ഒരു പ്രമേയം മാത്രമാണ്
നമ്മുടെ രാഷ്ട്രീയ ജീവിതത്തിലും
സരസജീവിതത്തിന്റെ
നിറം മങ്ങിയ പ്രമേയം.

നാട്ടിലോന്തുകൾ
നാടാകെ നിറങ്ങൾ

താഹാ ജമാൽ