സിഡ്‌നി: ശനിയാഴ്ച പുലർച്ചെ പടിഞ്ഞാറൻ ന്യൂ സൗത്ത് വെയിൽസിന്റെ ചില ഭാഗങ്ങളിൽ ഭൂകമ്പം ഉണ്ടായി. ബോർക്കിൽ നിന്ന് ഏകദേശം 160 കിലോമീറ്റർ തെക്കുകിഴക്കായി ഒറാന മേഖലയിൽ പുലർച്ചെ 2.30 ന് 5.2 തീവ്രത രേഖപ്പെടുത്തിയ ഭൂകമ്പം ഉണ്ടായതായി ജിയോസയൻസ് ഓസ്ട്രേലിയ സ്ഥിരീകരിച്ചു. ആദ്യത്തെ ഭൂകമ്പത്തിന് ഏഴ് മിനിറ്റിനുശേഷം 4.2 തീവ്രത രേഖപ്പെടുത്തിയ തുടർചലനവും പുലർച്ചെ 5.30 ഓടെ 3.6 തീവ്രത രേഖപ്പെടുത്തിയ മറ്റൊരു ഭൂകമ്പവും അനുഭവപ്പെട്ടു.
പടിഞ്ഞാറൻ ന്യൂ സൗത്ത് വെയിൽസിലെ നിരവധി ആളുകൾക്ക് ഈ ആഘാതത്തിന്റെ ഫലങ്ങൾ അനുഭവപ്പെട്ടെന്ന് ഓസ്ട്രേലിയയിലെ ഭൂകമ്പ ശാസ്ത്രജ്ഞൻ ഫിൽ കമ്മിൻസ് പറഞ്ഞു. ഓറഞ്ച്, ഡബ്ബോ എന്നിവിടങ്ങളിൽ വരെ 260-ലധികം റിപ്പോർട്ടുകൾ ലഭിച്ചതിനാൽ ഇത് വ്യാപകമായി അനുഭവപ്പെട്ടു,എന്ന് അദ്ദേഹം പറഞ്ഞു.
ടെക്റ്റോണിക് പ്ലേറ്റിന്റെ മധ്യത്തിൽ ഓസ്ട്രേലിയ സ്ഥിതി ചെയ്യുന്നത് മൂലം ഭൂകമ്പം ഉണ്ടാകാനുള്ള സാധ്യത കുറവാണ് എങ്കിലും ചെറിയ രീതിയിലുള്ള ഭൂകമ്പങ്ങൾ അനുഭവപ്പെടാം എന്നും അദ്ദേഹം പറഞ്ഞു. കാര്യമായ നാശനഷ്ടങ്ങളോ പരിക്കുകളോ റിപ്പോർട്ട് ചെയ്തിട്ടില്ല, പക്ഷേ ചെറിയ തുടർചലനങ്ങൾ ഇപ്പോഴും സാധ്യമായതിനാൽ സ്ഥിതിഗതികൾ നിരീക്ഷിച്ചുവരികയാണെന്ന് പ്രാദേശിക അധികാരികൾ പറഞ്ഞു.
