സോൾ: ദക്ഷിണ കൊറിയയിൽ വിമാനാപകടത്തിൽ 179 മരണം. 181 യാത്രക്കാരുമായി തായ്ലൻഡിലെ ബാങ്കോക്കിൽ നിന്ന് മടങ്ങിയ ജെജു എയർലൈൻസിന്റെ വിമാനമാണ് ലാൻഡ് ചെയ്യാൻ ശ്രമിക്കുന്നതിനിടെ തകർന്നത്. ദക്ഷിണ കൊറിയയില് മുവാന് അന്താരാഷ്ട്ര വിമാനത്താവളത്തില് പ്രദേശിക സമയം രാവിലെ 9 മണിക്കാണ് വന് ദുരന്തമുണ്ടായത്. തായ്ലന്ഡ് തലസ്ഥാനമായ ബാങ്കോങ്കില് നിന്ന് 175 യാത്രക്കാരും 6 ജീവനക്കാരുമായി എത്തിയ ജെജു എയര്ലൈന്സ് വിമാനമാണ് അപകടത്തില്പ്പെട്ടത്. ഇടിച്ചിറങ്ങിയ വിമാനം റണ്വേയില് നിന്ന് തെന്നിനീങ്ങി സിഗ്നല് സംവിധാനത്തില് ഇടിച്ചു. വലിയ സ്ഫോടനത്തോടെ തീപിടിച്ചത് കനത്ത ആള്നാശത്തിന് വഴിവെച്ചു. അപകടത്തിൽ രണ്ട് പേരെ രക്ഷപ്പെടുത്തിയതായി യോൻഹാപ് വാർത്താ ഏജൻസി റിപ്പോർട്ട് ചെയ്തു.
യന്ത്ര തകരാറാണ് അപകട കാരണമെന്നാണ് പ്രാഥമിക നിഗമനം. ലാന്ഡിംഗിന് മുന്പ് വിമാനത്തില് പക്ഷി ഇടിച്ചിരുന്നതായും സ്ഥിരീകരിക്കാത്ത റിപ്പോര്ട്ടുണ്ട്. അപകടത്തില് ദക്ഷിണ കൊറിയ അന്വേഷണം പ്രഖ്യാപിച്ചു. ജെജു എയര്ലൈന്സ് മാപ്പ് അപേക്ഷിച്ച് സന്ദേശം പുറത്തിറക്കി.
ഈ ആഴ്ചയിലെ രണ്ടാമത്തെ വിമാന ദുരന്തമാണിത്. നേരത്തെ അസർബൈജാനിൽ വിമാനം തകർന്നു വീണ് 38 പേരാണ് മരിച്ചത്.
