ഓസീസിനെ കീഴടക്കി ഇന്ത്യ ഫൈനലിൽ; രക്ഷകനായത് കോഹ്ലി

ചാമ്പ്യൻസ് ട്രോഫി ഫൈനലിൽ കടന്ന് ഇന്ത്യ. സെമിഫൈനലിൽ ഓസ്‌ട്രേലിയയെ നാല് വിക്കറ്റിൽ തോൽപ്പിച്ചാണ് ഇന്ത്യ ഫൈനലിലേക്ക് പ്രവേശിച്ചത്. രണ്ടാമത്തെ സെമിഫൈനലിൽ ന്യൂസിലൻഡ്, ദക്ഷിണാഫ്രിക്ക മത്സരത്തിന്റെ വിജയിയെ ഇന്ത്യ ഞായറാഴ്ച നടക്കുന്ന ഫൈനലിൽ നേരിടും.

ഓസ്‌ട്രേലിയ ഉയർത്തിയ 265 റൺസിന് വിജയലക്ഷ്യം ഇന്ത്യ 6 വിക്കറ്റ് നഷ്ടത്തിൽ, 11 പന്ത് ശേഷിക്കെ മറികടന്നു. 84 റൺസ് നേടിയ വിരാട് കോഹ്ലി ഇന്ത്യയുടെ വിജയം ഉറപ്പാക്കുന്നതിൽ പ്രധാന പങ്ക് വഹിച്ചു.

സ്കോര്‍ ഓസ്ട്രേലിയ 49.3 ഓവറില്‍ 264-ന് ഓള്‍ ഔട്ട്, ഇന്ത്യ 48.1 ഓവറില്‍ 267-6.

2023-ലെ ഏകദിന ലോകകപ്പ് ഫൈനല്‍ തോല്‍വിക്കുള്ള ഇന്ത്യയുടെ മധുരപ്രതികാരം കൂടിയായി ഈ വിജയം. ഇന്ത്യ ഫൈനലിലെത്തിയതോടെ ദുബായ് ആയിരിക്കും ചാമ്പ്യൻസ് ട്രോഫി കിരീടപ്പോരാട്ടത്തിന് വേദിയാകുക.