234
സിഡ്നി: ന്യൂ സൗത്ത് വെയിൽസിലെ ഹണ്ടർ വാലിയിലെ സിംഗിൾട്ടണിനടുത്തുള്ള ബ്രോക്കിൽ റിക്ടർ സ്കെയിലിൽ 4.6 രേഖപ്പെടുത്തിയ ഭൂകമ്പം. സിംഗിൾട്ടണിന് ഏകദേശം 25 കിലോമീറ്റർ തെക്ക്-പടിഞ്ഞാറ് ബ്രോക്കിന് സമീപം പുലർച്ചെയാണ് ഭൂകമ്പം ഉണ്ടായത്. ഏകദേശം 10 കിലോമീറ്റർ താഴ്ചയിലാണ് ഇത് സംഭവിച്ചത്, വടക്ക് ടാംവർത്ത് വരെയും തെക്ക് കാൻബറ വരെയും പ്രകമ്പനം അനുഭവപ്പെട്ടു. ആർക്കും പരിക്കേറ്റതായി റിപ്പോർട്ടുകളില്ല.
ജിയോസയൻസ് ഓസ്ട്രേലിയയുടെ കണക്കനുസരിച്ച്, കഴിഞ്ഞ 12 മാസത്തിനിടെ ഈ മേഖലയിൽ റിക്ടർ സ്കെയിലിൽ മൂന്നിലധികം തീവ്രത രേഖപ്പെടുത്തിയ പതിനൊന്നാമത്തെ ഭൂകമ്പമാണിത്. 1994-ൽ എല്ലാലോംഗ് പ്രദേശത്തു 5.4 തീവ്രതയോടെ ഭൂകമ്പം ഉണ്ടായിട്ടുണ്ട്, അതുപോലെ 5.6 തീവ്രത രേഖപ്പെടുത്തിയ ഭൂകമ്പം 1989 -ൽ ന്യൂകാസിൽ അനുഭവപ്പെട്ടിട്ടുണ്ട്.
