നടി കീർത്തി സുരേഷ് വിവാഹിതയായി. ആന്റണി തട്ടിലാണ് വരൻ. ഗോവയിൽ വച്ചുനടന്ന വിവാഹ ചടങ്ങിൽ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്. വിവാഹത്തിന്റെ ഫോട്ടോകൾ കീർത്തി സുരേഷ് തന്റെ സോഷ്യൽ മീഡിയ വഴി പുറത്തുവിട്ടിട്ടുണ്ട്. നടന് വിജയിയും കീര്ത്തിയുടെ വിവാഹത്തില് പങ്കെടുക്കാന് എത്തിയിരുന്നു. കഴിഞ്ഞ പതിനഞ്ച് വര്ഷമായി ആന്റണിയും കീര്ത്തിയും തമ്മിലുള്ള സ്നേഹബന്ധമാണ് ഇന്ന് വിവാഹത്തില് കലാശിച്ചിരിക്കുന്നത്.
കൊച്ചി സ്വദേശിയാണ് ആന്റണി തട്ടില്. ബിസിനസുകാരനാണ്. കൊച്ചിയിലും ദുബായിലും ബിസിനസുള്ള ആന്റണി, ആസ്പിരെസോ വിൻഡോസ് സൊലൂഷൻസിന്റെ മേധാവിയാണ്. ചെന്നൈയില് രജിസ്റ്റര് ചെയ്തിരിക്കുന്ന കമ്പനിയാണിത്. സിനിമ നിര്മാതാവും നടനുമായ ജി സുരേഷ് കുമാറിന്റെയും നടി മേനകയുടെയും രണ്ടാമത്തെ മകളാണ് കീര്ത്തി സുരേഷ്.
വിവാഹത്തിനു മുന്നോടിയായി തിരുപ്പതി വെങ്കടേശ്വര ക്ഷേത്രത്തില് കീര്ത്തി ദര്ശനത്തിന് എത്തിയിരുന്നു. അച്ഛന് സുരേഷ് കുമാര്, അമ്മ മേനക സുരേഷ്, സഹോദരി രേവതി സുരേഷ് എന്നിവര് ഒപ്പമുണ്ടായിരുന്നു.
