കിവീസിന് കന്നി കിരീടം. ദക്ഷിണാഫ്രിക്കയെ 32 റണ്സിന് തോല്പ്പിച്ചാണ് ന്യൂസിലന്ഡ് കിരീടം കന്നി കിരീടം നേടുന്നത്. ട്വന്റി-20 വനിതാ ലോകകപ്പിന് തുടക്കമായ 2009-ൽ നേരിയ വ്യത്യാസത്തില് ന്യൂസീലൻഡിന് നഷ്ടമായതാണ് ഈ കിരീടം. അടുത്ത വർഷവും ഫൈനലിലെത്തിയെങ്കിലും തോല്വിയായിരുന്നു ഫലം. പക്ഷേ മൂന്നാം അവസരത്തിൽ അവർക്കു പിഴച്ചില്ല.
ടോസ് നഷ്ടപ്പെട്ട് ബാറ്റിംഗിനെത്തിയ ന്യൂസിലന്ഡ് നിശ്ചിത ഓവറില് അഞ്ച് വിക്കറ്റ് നഷ്ടത്തില് 158 റണ്സാണ് നേടിയത്. മറുപടി ബാറ്റിംഗില് ദക്ഷിണാഫ്രിക്കയ്ക്ക് ഒമ്പത് വിക്കറ്റ് നഷ്ടത്തില് 126 റണ്സെടുക്കാനാണ് സാധിച്ചത്. നേരത്തെ, പുരുഷന്മാരുടെ ടി20 ലോകകപ്പിലും ദക്ഷിണാഫ്രിക്ക ഫൈനലില് തോറ്റിരുന്നു.
ആദ്യ മത്സരത്തിൽ ഇന്ത്യയെ തോൽപിച്ചാണ് ന്യൂസിലന്ഡ് തുടങ്ങിയത്. ഓസ്ട്രേലിയയോടു തോറ്റെങ്കിലും പിന്നീട് ശ്രീലങ്കയ്ക്കെതിരെയും പാക്കിസ്ഥാനെതിരെയും ജയിച്ച് സെമിയിലെത്തി. സെമി ഫൈനലിൽ വെസ്റ്റിൻഡീസിനെ വീഴ്ത്തിയാണ് ന്യൂസീലൻഡ് കലാശപ്പോരിനെത്തിയത്.
