2026 ഏപ്രിൽ 3-ലെ വെള്ളിയാഴ്ചയ്ക്ക് സവിശേഷമായ ഒരു ചരിത്രപ്രാധാന്യമുണ്ട്. പല ചരിത്രകാരന്മാരും ശാസ്ത്രജ്ഞരും വിശ്വസിക്കുന്നത് യേശുക്രിസ്തു കുരിശിലേറ്റപ്പെട്ടത് ഏകദേശം 2000 വർഷങ്ങൾക്ക് മുമ്പ് (AD 33-ൽ) ഇതേ തീയതിയിലാണെന്നാണ്. 2026-ലെ ദുഃഖവെള്ളി (Good Friday) കൃത്യം ഏപ്രിൽ 3-ന് തന്നെ വരുന്നു എന്നതും ഈ തീയതിയെ വാർത്തകളിൽ നിറയ്ക്കുന്നു.
ഈ നിഗൂഢതയുടെ ചുരുളഴിക്കാൻ സഹായിച്ച പ്രധാന വസ്തുതകൾ ആണ് ജ്യോതിശാസ്ത്ര കണക്കുകൂട്ടലുകൾ, ബൈബിൾ രേഖകൾ, ചരിത്രപരമായ തെളിവുകൾ എന്നിവ. നാസയുടെ (NASA) വിവരങ്ങൾ ഉപയോഗിച്ച് ഗവേഷകർ നടത്തിയ പഠനത്തിൽ AD 33 ഏപ്രിൽ 3 വെള്ളിയാഴ്ച ജെറുസലേമിൽ ഒരു ഭാഗിക ചന്ദ്രഗ്രഹണം നടന്നതായി കണ്ടെത്തി. ബൈബിളിലെ അപ്പസ്തോല പ്രവർത്തനങ്ങളിൽ (Acts 2:20) പരാമർശിക്കുന്ന “ചന്ദ്രൻ രക്തമായി മാറും” എന്ന പ്രവചനം ഈ ചന്ദ്രഗ്രഹണത്തെ സൂചിപ്പിക്കുന്നതാകാമെന്ന് കരുതപ്പെടുന്നു. AD 33 ഏപ്രിൽ 3-ന് വൈകുന്നേരം ജെറുസലേമിൽ ഒരു ഭാഗിക ചന്ദ്രഗ്രഹണം നടന്നതായി നാസയുടെ വിവരങ്ങൾ അടിസ്ഥാനമാക്കി ഗവേഷകർ സ്ഥിരീകരിച്ചിട്ടുണ്ട്. ചന്ദ്രഗ്രഹണ സമയത്ത് ചന്ദ്രൻ ചുവപ്പ് നിറത്തിൽ കാണപ്പെടാറുണ്ട്. ഇത് ബൈബിളിലെ “ചന്ദ്രൻ രക്തമായി മാറും” (അപ്പസ്തോല പ്രവർത്തനങ്ങൾ 2:20) എന്ന പരാമർശവുമായി ഒത്തുപോകുന്നു.
യേശു കുരിശിലേറ്റപ്പെട്ട സമയത്ത് ഉച്ചയ്ക്ക് 12 മുതൽ 3 മണി വരെ ഭൂമിയിൽ ഇരുട്ട് വ്യാപിച്ചതായി സുവിശേഷങ്ങൾ പറയുന്നു. ഇത് ഒരു സൂര്യഗ്രഹണം ആകാൻ വഴിയില്ല (പെസഹാ സമയത്ത് പൂർണ്ണചന്ദ്രൻ ആയതിനാൽ), മറിച്ച് കഠിനമായ പൊടിക്കാറ്റോ അല്ലെങ്കിൽ വലിയ മേഘാവൃതമായ അന്തരീക്ഷമോ കാരണമാകാം എന്ന് ശാസ്ത്രലോകം കരുതുന്നു.
ചരിത്രം പരിശോദിച്ചാൽ പോന്തിയോസ് പീലാത്തോസ് ഗവർണറായിരുന്ന കാലഘട്ടവും (AD 26-36), അക്കാലത്ത് നടന്ന ഭൂകമ്പത്തെക്കുറിച്ചുള്ള ഭൂഗർഭശാസ്ത്ര തെളിവുകളും AD 33 ഏപ്രിൽ 3 എന്ന തീയതിയെ ശരിവെക്കുന്നു. ചാവുകടലിന്റെ (Dead Sea) തീരത്തെ മണ്ണിലെ പാളികൾ (Sediment layers) പരിശോധിച്ച ജിയോളജിസ്റ്റുകൾ AD 26-നും 36-നും ഇടയിൽ ശക്തമായ ഒരു ഭൂകമ്പം നടന്നതായി കണ്ടെത്തിയിട്ടുണ്ട്. ഇത് മത്തായിയുടെ സുവിശേഷത്തിൽ (27:51) പറയുന്ന ഭൂകമ്പവുമായി പൊരുത്തപ്പെടുന്നു.
യേശുക്രിസ്തു കുരിശിലേറ്റപ്പെട്ടത് ഒരു വെള്ളിയാഴ്ചയാണെന്ന് ബൈബിളിലെ സുവിശേഷങ്ങൾ വ്യക്തമാക്കുന്നു. AD 33-ൽ പെസഹാ പെരുന്നാൾ വെള്ളിയാഴ്ചയാണ് വന്നത്, അത് കലണ്ടർ പ്രകാരം ഏപ്രിൽ 3-നായിരുന്നു. യേശു കുരിശിലേറ്റപ്പെട്ടത് പെസഹാ പെരുന്നാൾ ദിനമായ നിസാൻ 14-ന് ഒരു വെള്ളിയാഴ്ചയാണെന്ന് ചരിത്രകാരന്മാർ കരുതുന്നു. AD 26-36 കാലഘട്ടത്തിൽ നിസാൻ 14 വെള്ളിയാഴ്ചയായി വന്നത് AD 30-ലും AD 33-ലുമാണ്. എന്നാൽ ലൂക്കായുടെ സുവിശേഷത്തിലെ കാലഗണനയും യേശുവിന്റെ പരസ്യജീവിതത്തിന്റെ ദൈർഘ്യവും കണക്കിലെടുക്കുമ്പോൾ AD 33 ഏപ്രിൽ 3 ആണ് ഏറ്റവും അനുയോജ്യമായ തീയതി എന്ന് പണ്ഡിതർ അഭിപ്രായപ്പെടുന്നു.
2000-ത്തോളം വർഷങ്ങൾക്ക് ശേഷം (AD 33 മുതൽ AD 2026 വരെ), ക്രിസ്തു കുരിശിലേറ്റപ്പെട്ട അതേ തീയതിയും (ഏപ്രിൽ 3) അതേ ദിവസവും (വെള്ളിയാഴ്ച) ഒരേപോലെ വരുന്നു എന്നതാണ് 2026-ലെ ദുഃഖവെള്ളിയെ ശ്രദ്ധേയമാക്കുന്നത്.
