4
കാബൂൾ: തെക്കുകിഴക്കൻ അഫ്ഗാനിസ്ഥാനിൽ പാക്കിസ്ഥാൻ അതിർത്തിയോട് ചേർന്ന് 6.3 തീവ്രത രേഖപ്പെടുത്തിയ ഭൂചലനം രേഖപെടുത്തിയതായി യുഎസ് ജിയോളജിക്കൽ സർവേ. അഫ്ഗാനിസ്ഥാനിലെ ബസാവുൾ ആണ് ഭൂകമ്പത്തിന്റെ പ്രഭവകേന്ദ്രം. ഭൂകമ്പത്തിൽ 20 പേരെങ്കിലും മരിച്ചതായും മരണസംഖ്യ കൂടാമെന്നും ബിബിസി റിപ്പോർട്ടുകൾ പറയുന്നു. പാക്കിസ്ഥാനിലെ ഇസ്ലാമാബാദിലും അബോട്ടാബാദിലും ഭൂചലനം അനുഭവപ്പെട്ടതായാണ് റിപ്പോർട്ട്.
ആദ്യത്തെ ഭൂകമ്പത്തിനുശേഷം 4.7, 4.3, 5.0 തീവ്രത രേഖപ്പെടുത്തിയ ഒന്നിലധികം തുടർചലനങ്ങൾ ഈ മേഖലയിൽ അനുഭവപ്പെട്ടതായും ഇത് നിവാസികളിൽ ഭയം വർദ്ധിപ്പിച്ചതായും റിപ്പോർട്ടിൽ പറയുന്നു. കുനാർ പ്രവിശ്യയാണ് ഏറ്റവും കൂടുതൽ നാശനഷ്ടങ്ങൾ നേരിട്ടത്, അവിടെ 10 പേർ മരിച്ചതായും 50 പേർക്ക് പരിക്കേൽക്കുകയും ചെയ്തിട്ടുണ്ട്.
