195
പുരുഷ, വനിതാ ട്വന്റി-20 ലോകകപ്പ് വിജയികള്ക്കുള്ള സമ്മാനത്തുക അന്താരാഷ്ട്ര ക്രിക്കറ്റ് കൗണ്സില് തുല്യമാക്കി. ഇതോടെ വനിതാ ട്വന്റി 20 ലോകകപ്പില് ഇനി പുരുഷ ലോകകപ്പിന് സമാനമായ സമ്മാനത്തുകയാവും ലഭിക്കുക. ജേതാക്കള്ക്ക് 2.34 ദശലക്ഷം ഡോളറും റണ്ണറപ്പുകള്ക്ക് 1. 17 ദശലക്ഷം ഡോളറും സമ്മാനമായി ലഭിക്കും. ജേതാക്കളുടെയും റണ്ണറപ്പുകളുടെയും കാര്യത്തില് 134 ശതമാനത്തിന്റെ വര്ധനയാണുണ്ടാവുക. അടുത്ത മാസം തുടങ്ങുന്ന വനിതാ ലോകകപ്പ് മുതല് ഇത് പ്രാബല്യത്തില് വരും. പുതിയ തീരുമാനത്തോടെ ലോകകപ്പുകളില് പുരുഷ , വനിതാ ടീമുകള്ക്ക് തുല്യ സമ്മാനത്തുക നല്കുന്ന ഏക കായിക ഇനമായി ക്രിക്കറ്റ്.
