റിലീസ് ദിവസം അടുക്കുംതോറും വീണ്ടും ഞെട്ടിക്കുകയാണ് പൃഥിരാജ്. ഇതാ ഇപ്പോൾ എല്ലാവരേയും ഞെട്ടിച്ച് മലയാളത്തിലെ ആദ്യ ഐ മാക്സ് സിനിമയാണ് എമ്പുരാനെന്ന് പ്രഖ്യാപിച്ചിരിക്കുകയാണ് പൃഥിരാജ്. പൃഥ്വിരാജ് തന്നെയാണ് ഇക്കാര്യം സമൂഹ മാധ്യമങ്ങളിലൂടെ അറിയിച്ചത്. ഐമാക്സും മലയാള സിനിമയും തമ്മിലുള്ള ദീർഘവും മഹത്തരവുമായ ഒരു ബന്ധത്തിന്റെ തുടക്കമായി ഇത് മാറട്ടെ എന്ന് പൃഥ്വിരാജ് പറഞ്ഞു
മാർച്ച് 27 നാണ് എമ്പുരാൻ റീലീസ് ചെയ്യുന്നത്. സിനിമയുടെ വിതരണത്തിലും വമ്പൻമാരുമായിട്ടാണ് സംഘം കെെകോർക്കുന്നത്. അനിൽ തടാനി നേതൃത്വം നൽകുന്ന എ എ ഫിലിംസ് ആണ് ചിത്രം നോർത്ത് ഇന്ത്യയിൽ എത്തിക്കുന്നത്. സിനിമാ നിർമ്മാണത്തിലെ അതികായമാരായ ഹോംബാലേ ഫിലിംസ് ആണ് എമ്പുരാൻ്റെ കര്‍ണാടക ഡിസ്ട്രിബ്യൂഷന്‍ ഏറ്റെടുത്തിരിക്കുന്നത്. മാർച്ച് 27 ന് രാവിലെ രാവിലെ 6 മണി മുതൽ സിനിമയുടെ പ്രദർശനം ആരംഭിക്കുമെന്ന് നേരത്തെ അറിയിച്ചിരുന്നു.
ലൂസിഫറിന്റെ രണ്ടാം ഭാഗമായി എത്തുന്ന എമ്പുരാൻ നിർമ്മിച്ചിരിക്കുന്നത്, ലൈക്ക പ്രൊഡക്ഷൻസ്, ആശീർവാദ് സിനിമാസ്, ശ്രീ ഗോകുലം മൂവീസ് എന്നിവയുടെ ബാനറിൽ സുഭാസ്കരൻ, ആന്റണി പെരുമ്പാവൂർ, ഗോകുലം ഗോപാലൻ എന്നിവർ ചേർന്നാണ്. മൂന്നു ഭാഗമായി എത്തുന്ന ഒരു സിനിമാ സീരിസിന്റെ രണ്ടാം ഭാഗമാണ് എമ്പുരാൻ.
