ഹരിയാനയിലെ ഹിസാർ ജില്ലയിലെ ഒരു സ്വകാര്യ സ്കൂൾ പ്രിൻസിപ്പളിനെ വ്യാഴാഴ്ച സ്കൂൾ വളപ്പിൽ വെച്ച് രണ്ട് വിദ്യാർത്ഥികൾ കുത്തിക്കൊന്നു. അച്ചടക്കലംഘനത്തിന് ആവർത്തിച്ച് ശാസിച്ചതാണ് വിദ്യാർത്ഥികളെ പ്രകോപിതരാക്കിയതെന്നു ഹാൻസി പോലീസ് സൂപ്രണ്ട് അമിത് യശ്വർധൻ പറഞ്ഞു. വിദ്യാർത്ഥികളോട് ശരിയായ മുടി വെട്ടി സ്കൂളിൽ വരാനും അച്ചടക്കം പാലിക്കാനും പ്രിൻസിപ്പൽ ജഗ്ബീർ സിംഗ് ആവശ്യപ്പെട്ടിരുന്നുവെന്ന് പൊലീസ് സൂപ്രണ്ട് അമിത് യശ്വർധൻ ഹൻസി പറഞ്ഞു. ഇതിൽ പ്രകോപിതരായ വിദ്യാർത്ഥികൾ സ്കൂൾ പരിസരത്ത് വെച്ച് പ്രിൻസിപ്പലിനെ കത്തി ഉപയോഗിച്ച് ആക്രമിച്ചു. ആക്രമണത്തെത്തുടർന്ന് സ്കൂൾ ജീവനക്കാർ പ്രിൻസിപ്പലിനെ ഹിസാറിലെ ഒരു സ്വകാര്യ ആശുപത്രിയിലേക്ക് കൊണ്ടുപോയി. അവിടെ വെച്ച് അദ്ദേഹം മരണപ്പെടുകയായിരുന്നു.
പ്രാഥമിക അന്വേഷണത്തിൽ സ്കൂൾ പ്രിൻസിപ്പൽ അച്ചടക്കലംഘനത്തിന് ഇവർക്ക് നോട്ടീസ് നൽകിയിരുന്നുവെന്നും പലപ്പോഴും ഷർട്ടുകൾ തിരുകി മുടി വെട്ടി സ്കൂളിൽ വരാനും ആവശ്യപ്പെട്ടിരുന്നുവെന്നും സൂചനയുണ്ട്. അവർക്കിടയിൽ എന്തെങ്കിലും വ്യക്തിപരമായ ശത്രുത ഉണ്ടായിരുന്നോ എന്ന് കൂടുതൽ അന്വേഷണത്തിൽ കൂടിയേ വെളിപ്പെടുകയുള്ളുവെന്നും ശ്രീ യശ്വർധൻ പറഞ്ഞു.
