168
കോതമംഗലം: വടാട്ടുപാറയുടെ പലവൻപുഴയിൽ വിനോദസഞ്ചാര സംഘത്തിലെ ബന്ധുക്കളായ രണ്ട് പേര് മുങ്ങിമരിച്ചു. ആലുവ എടത്തല പേങ്ങാട്ടുശ്ശേരി സ്വദേശി സിദ്ദിഖ് (42), ഇദ്ദേഹത്തിന്റെ സഹോദരി പുത്രന് അബു ഫായിസ് (22) എന്നിവരാണ് മരിച്ചത്. ഉച്ചയ്ക്ക് ഏകദേശം ഒരു മണിയോടെയാണ് സംഭവം നടന്നത്. പുഴയിൽ നീന്തുന്നതിനിടെ അബു ഫായിസ് ഒഴുക്കിൽ പെടുകയും, അദ്ദേഹത്തെ രക്ഷിക്കാൻ ശ്രമിച്ച സിദ്ദിഖ് അതേ ഒഴുക്കിൽ പെട്ടുപോയതിനെയും തുടർന്നാണ് മരണം സംഭവിച്ചത്.
പുഴയിലും കരയിലുമായി അപകടത്തിൽപ്പെട്ടവരുടെ ബന്ധുക്കളും സുഹൃത്തുക്കളും, മറ്റ് പ്രദേശങ്ങളിൽ നിന്നെത്തിയവരും, സഹായിക്കാനുള്ള ശ്രമം നടത്തിയെങ്കിലും ശക്തമായ ഒഴുക്ക് കാരണം രക്ഷിക്കാനായില്ല. പിന്നീട്, പൊലീസ്, അഗ്നിശമനസേന എന്നിവരുടെ പരിശ്രമത്തിൽ, അബു ഫായിസിന്റെയും സിദ്ദിഖിന്റെ മൃതദേഹങ്ങൾ കണ്ടെത്തുകയായിരുന്നു.
