എരുമപ്പെട്ടിയിൽ വൈദികനെ മരിച്ച നിലയിൽ കണ്ടെത്തി.

തൃശൂർ എരുമപ്പെട്ടിയിൽ വൈദികനെ തൂങ്ങിമരിച്ച നിലയിൽ കണ്ടെത്തി. പതിയാരം സെൻറ് ജോസഫ്സ് പള്ളി വികാരി പെരിഞ്ചേരി സ്വദേശിയായ ലിയോ പുത്തൂർ (32) ആണ് മരിച്ചത്. കഴിഞ്ഞ ഒക്ടോബർ 22-നാണ് പതിയാരം പള്ളിയിൽ വികാരിയച്ചനായി ചാർജ്ജെടുത്തത്. 6 വർഷം മുൻപാണ് ഫാദർ ലിയോ പുത്തൂർ പട്ടം സ്വീകരിച്ചത്. ഇന്നലെ ഉച്ചയ്‌ക്ക് 12:30-ന് പള്ളിമേടയിലെത്തിയ കപ്യാരാണ് അദ്ദേഹത്തെ മരിച്ച നിലയിൽ കണ്ടെത്തുന്നത് എന്ന് കേരളത്തിലെ മാധ്യമങ്ങൾ റിപ്പോർട്ട് ചെയ്യുന്നു.

പള്ളിമണിയടിക്കുന്നതിനായി വികാരിയെ അന്വേഷിച്ചെത്തിയപ്പോഴാണ് വൈദികനെ മരിച്ച നിലയിൽ കണ്ടെത്തിയത് . പള്ളി ജീവനക്കാരും നാട്ടുകാരുമാണ് വിവരം പൊലീസിനെ അറിയിക്കുന്നത്. തുടർന്ന് എരുമപ്പെട്ടി പൊലീസ് സ്ഥലത്തെത്തി, മേൽ നടപടികൾ സ്വീകരിച്ചു. മരണ കാരണം എന്താണെന്ന് വ്യക്തമല്ല.